સોશિયલ મીડિયા પર કસરત કરતા વિડીયો શેર કરીને બીજાને ફિટનેસ ચેલેન્જ આપવાનો ટ્રેન્ડ ચાલી રહ્યો છે. ગઇકાલે મોડી રાતે ગુજરાતનાં મુખ્યમંત્રી વિજય રૂપાણીએ કેન્દ્રીય મંત્રી રાઠોડની #FitnessChallenge સ્વીકારીને ટ્વિટર પર એક વિડીયો પોસ્ટ કર્યો છે. તેમણે આ ફિટનેસ ચેલેન્જ મહારાષ્ટ્રના મુખ્યમંત્રી દેવેન્દ્ર ફડનવીસને આપી છે.
ઉલ્લેખનીય છે કે આ ફિટનેસ ચેલેન્જ વિરાટ કોહલીએ શરૂ કરી હતી અને તેણે વડાપ્રધાન નરેન્દ્ર મોદીને ફિટનેસ ચેલેન્જ આપી હતી, ત્યારબાદ આ ટ્રેન્ડ ચાલુ થયો હતો. આ ફિટનેસ ચેલેન્જમાં બોલિવુડ સેલેબ્સથી લઇને નેતાઓ તેમજ સામાન્ય માણસો પણ જોડાઇ રહ્યા છે.